Transcription
1
Monseigneur, nous avons estez advertis par le sieur conteroolleur Gilbert
2
de ceste ville que le XXe de ce moys daoust ung nommé
3
le capitaine Bellegarde, Gascon, doibt faire sa monstre en
4
armes en ce lieu et illec, demeurer en garnison, sans ce,
5
comme avons entandu, en soyez aulcunement adverty, don sommes
6
grandement esbeys. Ledit sieur conterouleur nous a dict
7
quil vous en escripra. A ceste cause Monseigneur, nous
8
vous supplions comme coustumer à nous gratiffier, nous
9
faire ceste faveur solager notre ville de ladite charge, joinct
10
que par lordonnance du roy, ledit sieur de Bellegarde nest nommé
11
au roolle, du moings pour faire sa monstre en notredite ville.
12
Toutesfoys, nous nous soubmectrons tousjours à ce quil
13
vous plaira en ordonner et establyr.
14
Monseigneur, nous prions Notre Seigneur vous donner sa saincte
15
et digne grace. De Vienne, ce XVIIIe daoust 1572
16
Voz très humbles et affectionnés serviteurs, les consulz de Vienne
17
Savignieu